منعطف خطير
10-06-2011, 11:40 AM
اهمال على اهمال على اهمال وربي الوضع ماينسكت عليه ابد اللي صار الاثنين في الجامعه من المسؤول عليه اعرف كل واحد يرميها على الثاني لكن وربي ان الكل مشترك فيها من منسقه على اداريات تحتها على حارسات الامن بين قوسين (سفيرات الخوف)حسبي الله وربي انا نداوم وكل وحده خايفه على نفسها باتقولون هم من الجن لكن وربي ان 80بالميه يدل على انه رجل بدليل انه كان لابس عبايه والشي الثاني ان وضع الجامعه يئهل ان عصابه بكبرها تدخل لان من بعد الساعه 12معاد نشوف احد من الامن عند الباب لان تبدا ساعة الانصراف عند اغلب البنات بس يبقون اللي محاضرات عندهم اما من بعد الساعه 3خلاص بيقى عدد قليل جدا وخلاص الكليه تصبح طالبات فقط لان الكل راح من اداريات واعضا هيئة التدريس وطالبات وبس حارسة امن وحده او ثنتين ومكفوتات لهم في مكتب ولا نشوفهم ابد والبوابه مفتوحه على مصراعيها لدخول والنزول فا البنات دخلوا محاضرتهم وبامكان اي شخص مايخاف الله يلبس عبايه تمويه للحارس ويدخل في احد اروقة الجامعه ولا احد قدامه يسأل عن بطاقه جامعيه او حتى يرهبه بوجود امن يحس انه مراقب وعشان نقول الحق البنات اللي عندهم محاضرات كانت شبكه ولا عندهم مشرفه ابد يعني طالبات والدكتور فقط ومتى صارت هذه الا في شروره تصير والشي الثاني ان الامن حتى الصباح مايفتشون على البطايق الجامعيه ابد لا في بداية الدوام ولا هم يحزنون والله الامن ان وضعهم مايريح ابد مافيه شغل ابد الا بالدف والدليل وجود كادر اداري ضعيف يهتم بالسفاسف ويترك المهم احب اقول ان كل مسؤول في جامعة نجران والله مسؤول امام الله في كل اللي يجري فيها والله ماكتبت الا قول الحق ثم بعد الصبر الطويل والامل لتحسين وضع الجامعه كما اتمنى بان صوتنا يكون مسموع في مطالبة حقوقنا فنحن ماطلبنا مستحيل واعرف ان فيه مسؤولين همهم الاول راحة الطالب لكن نبغا بدايه فعليه في جامعة نجران كلية العلوم والاداب بشروره /عمادة خدمة المجتمع