رسائل الجامعة لطلبة الإنتساب

[Abu Rakan]

السلام عليكم ورحمة الله وبركاته

أنا طالب جديد على الإنتساب وسوف يكون الترم هذا اول ترم لي بالجامعة ولدي إستفسار .
وردتني رساله على جوالي مفادها أخي الطالب / فلان الفلاني .. تم تحديد موعد الدورات التعريفية لطلاب الإنتساب بنين بعد صلاة عصر يوم الأربعاء 28/5/1431هـ ولمدة ثلاثة أيام .كما نفيدكم بأنه تم تحديد موعد الإختبارات النهائية لطلاب الإنتساب بنين بعد صلاة المغرب 29/5/1431هـ . نأمل مراجعة منتدى الإنتساب بموقع الجامعة الإلكتروني لمعرفة المزيد .

الإستفسار هو:-...
ماهو المقصود من موعد الإختبارات النهائية ؟
مع العلم بأن المذكرات اللي في مكتبة أبن هيلان يقولون قديمة ولا هم متأكدين هل هي نفسها أم متغيره ، ومذكرة اللغة الإنجليزية يقولون الإستاذ متغير ولا نزل شي للحين !! يعني متى بنحصل المذكرات اللي ندرس فيها .

الطلب :-... نبي الفزعة منكم يالطلبه اللي قريبين من الجامعة عطونا العلم الأكيد لأنه حرام ندق مشوار من الرياض عشان مذكرات واللي يقدر ينزلها لنا على الموقع نكون له من الشاكرين ونطلب منكم التعاون معنا .

تقبلوا خالص شكري وتقديري
أبو راكان

[Abu Rakan]

أرسلوا لي رساله ثانية مفادها تصحيح للرسالة الأولى يقولون أن الإختبارات في 29/06/1431هـ .

تقلبوا تحياتي
أبو راكان

[عسكري وبلشان لاجامعه]

انا نفس الشي ياااخي الفااااضل يعني خلال هالايام الي محددينها روووح راجعهم بالجامعه من الاربعا الى الجمعه يجووون الدكاتره ويحددون المواد وبالعربي يعطونك زبدة الاختباار وتقبل مروووري

[Abu Rakan]

مشكور على المعلومة يعني برايك إني أراجعهم أحسن شي .

[ضيف مسفر]

تكفون ياصبيان يام ياهل المواقف وش معنى الدورة التعريفية وهل هي لزوم حضورها وهل موعد الاختبارت الذي وصلني هو يوم 29/5صحيح افيدوني يالطيبين

[عسيري4955]

تكفون ياصبيان يام ياهل المواقف وش معنى الدورة التعريفية وهل هي لزوم حضورها وهل موعد الاختبارت الذي وصلني هو يوم 29/5صحيح افيدوني يالطيبين

لدينا الجواب وبما انك نخيت رجال يام فهم وسبعين نعم سوف يجاوبونك ان شاء الله

[سحايب]

اذا الطلاب نفس الطالبات تبدا الامتحانات العملي 29/6والباقي في بداية شهر 7 بس ياليت تتاكد من الطلاب في المنتدى مايقصرون دامك نخيتهم

[عسكري وبلشان لاجامعه]

انا مو من رجااال يام وماااضنهم بيردووون عليييك بس على العمووووم الاختبار يبدا بتاريخ 29/6 لكل الطلاب والطالبات وبالنسبه للدوره التعريفيه هي دوووره يعلموووك فيها عن المووواد ويحددولك وش الي تذاكره بالاختبار ووش الي ماتذاكره اسف عشاني تدخلت ورديت بالنيابه عن رجااال يام ونعم فيهم بس عشان محد رد عليييك اتمنى لك كل توووفيق وتقبل مرووووووووووووري

[oxgene]

هههههههههههههههههههههههه
ابو راكان يسأل شئ ويبي فزعتكم وانتوا تجاوبون ضيف مسفر !!
عموما انا ماعندي اي مداخله في الموضوع لأني ماحضرت الدورة وانا عارف مردودها السلبي مسبقا .
كل من في المنتدى من بنين وبنات فيهم الخير والبركة ..