إدارة الأعمال هل يوجد بها إنتساب .

[Abu Rakan]

السلام عليكم ورحمة الله وبركاته .

إلى إدارة الإنتساب المحترمين ،،،

أنا طالب منتسب في جامعة نجران بكلية العلوم الإدارية قسم الإدارة العامة .

أرغب في التحويل من قسم الإدارة العامة إلى قسم إدارة الأعمال .

وذلك بحكم إني موظف قطاع خاص ولأن إدارة الأعمال تهتم بلغة الأرقام والإدارة العامة تهتم بمهارة الحفظ .

أرجوا توضيح طريقة التحويل من قسم الإدارة العامة إلى قسم إدارة الأعمال ؟؟ مع العلم بأنه تم قبولي للإنتساب للترم الثاني وذلك بسبب تأخري عن موعد التسجيل مع العلم بأن مجموع درجاتي وتخصصي يهيئني للإنضمام لقسم إدارة الأعمال .

ردكم يسعدني بالوقت المناسب وتقبلوا خالص شكري وتقديري

[Abu Rakan]

معقول

من 15 يوم ما أحد تنازل يرد علي لا من مسئولي الإنتساب ولا من المشاركين بالمنتدى ؟؟؟!!!

[غـــلا]

هــــلا أخـــــوي ابو راكان

والله 15 يوم قوويه المفروض تروح عيونك كذا >>> :eek:

بس يمكن ما انتبهوا على الموضوع ولا نبي نظلم احد..,

اسمعني يالطيب والله انا بقولك اللي اعرفه او اتوقعه او سمعته
ان التحويل من قسم لقسم بيكون بعد السنه الاولى ويكون معدلك اتوقع فوق الـ3
والله هذا اللي اتووووقعه

وعاد انت اذا فيه استفسار وانا اختك خذها مني ,
بالمنتدى وبحياتك العاديه
لا تناظر في باب وتستنى هالباب متى ينفتح
ناظر لعدة ابواب وحاول فيها انها تفتح لان بالاخير اكيد واحد منهم راح ينفتح لك.:rolleyes:

يعني ارسل استفسارك الى احد المراقبين اللي بالمنتدى
واطرح موضوعك بالقسم الخاص فيه
غير كذااا كلم الجامعه وخذ العلم الاكيد منهم

:D ادري ثرثاره بس عاد هذا حظك طيحك فيني

بالتووووفيق يااااارب

[دمعتة رحيل]

التحويل من اداره عامه الى اداره اعمال مايصير لانه متعلق بالسنه التحضيريه

[Abu Rakan]

الأخت غلا

أشكرك على التفاعل الجيد
بس المصيبه اللي ماتغفر إني طلبت قسم إدارة أعمال وتم تسجيلي في إدارة عامة مدري ليش !!؟؟
حتى منتدى التعليم العالي للجامعات اللي صار بالرياض رحت عساني ألقى إجابه ولكن للأسف يقولون ما عندهم علم
وإذا كل الأبواب مقفله وشفت باب شبه فاتح وهو المنتدى وطرقته وكنت أفكر أنه فيه أحد والظاهر أهل البيت نايمين وماسمعوا طرق الباب ، واقف على بابكم ولهان ومسير.....:rolleyes:

الأخ دمعته رحيل

أشكر التفاعل والرد الجيد
مشكور على المعلومة المفيده ولكن السؤال ليش ننظلم بتخصصات مانبيها ونطالب بالمستحيل عشان نحول منها .:confused:

وتقبلوا تحياتي,

[نديم الساحه]

اخوي ابو راكان ارجوا ان تعذر الانتساب على عدم الرد بسبب الاختبارات
واتمنى منك اذا وضعت موضوع استفسار ولم يرد علية ان ترسل رسالة خاصة للمراقبين وهم راح يستفسرون لك ويردون عليك
اما بخصوص سؤالك
فالانتساب في الجامعة ثلاثة تخصصات فقط وهي
1- ادارة عامة
2- لغة عربية
3- دراسات اسلامية
لك منى كل التقدير والاحترام وطالبينك السموحة

[Abu Rakan]

مشكورين على المرور والرد.

تقبلوا تحياتي ,

[hsd]

بليز تفسير المعدل للحروف د / ج ولماذا لم تطلع الدرجات والمعدل